Bu məqalə yaxşı məqalələr sırasına daxildir

Fərəh Əliyeva

Şəki Ensiklopediyası saytından
Jump to navigation Jump to search
Fərəh Əliyeva
Əliyeva Fərəh Şirməmməd qızı
Fərəh Əliyeva
Doğum tarixi 7 sentyabr 1961 (1961-09-07) (58 yaş)
Doğum yeri Bakı
Vətəndaşlıq Flag of the Soviet Union.svg SSRİ→Flag of Azerbaijan.svg Azərbaycan
Elm sahəsi sənətşünaslıq
İş yeri Prezident Administrasiyası
Elmi dərəcəsi sənətşünaslıq üzrə elmlər doktoru
Atası Şirməmməd Hüseynov
Anası Ülkər Hüseynova
Mükafatları "Azərbaycan Respublikasının əməkdar incəsənət xadimi" fəxri adı — 2017

Fərəh Əliyeva — Azərbaycan Respublikası Prezident Administrasiyası humanitar siyasət məsələləri şöbəsinin müdiri (2018), Azərbaycan Dövlət Mədəniyyət və İncəsənət Universitetinin sabiq rektoru (2014 – 2018), sənətşünaslıq elmləri doktoru (2008), Azərbaycan Respublikasının əməkdar incəsənət xadimi (2017).

Həyat və fəaliyyəti[redaktə]

7 sentyabr 1961-ci il tarixdə Bakı şəhərində – Nuxadan Bakıya köçmüş ziyalıların ailəsində anadan olub.

1984-cü ildə Üzeyir Hacıbəyov adına Azərbaycan Dövlət Konservatoriyasını fərqlənmə diplomu ilə bitirib. Həmin ildən orada “Musiqi tarixi” kafedrasında işləmiş, sənətşünaslıq elmləri namizədi (1994), sənətşünaslıq elmləri doktoru (2008) elmi dərəcələrinə, professor elmi adına (2005) yiyələnmişdir. 1994-cü ildən 2006-cı ilə kimi Azərbaycan Dövlət Konservatoriyası/Bakı Musiqi Akademiyasında Elmi katib vəzifəsində çalışıb.

2006–2014-cü illərdə Azərbaycan Respublikası Mədəniyyət və Turizm Nazirliyində əvvəlcə “Musiqi sektoru”nun müdiri olmuş, daha sonra “İncəsənət” şöbəsinə rəhbərlik etmişdir.

2 may 2014-cü il tarixdə Azərbaycan Respublikasının Prezidenti İlham Əliyevin sərəncamına əsasən Azərbaycan Dövlət Mədəniyyət və İncəsənət Universitetinin rektoru təyin edilmiş, 2018-ci ilə qədər həmin vəzifədə işləmişdir. 11 may 2018-ci il tarixdən isə Azərbaycan Respublikası Prezident Administrasiyası humanitar siyasət məsələləri şöbəsinin müdiridir.

Azərbaycan musiqi tarıxınə dair 3 monoqrafiyanın ( “Azərbaycan musiqisində üslub axtarışları” (1994); “XX əsr Azərbaycan musiqisi: tarix və zamanla üz-üzə” (2007); “Üzeyir Hacıbəyli: Şəxsiyyət və cəmiyyət” (2010)), “Musiqi tariximizin səhifələri” elmi və publisistik məqalələr toplusunun (2003), “XX əsr Azərbaycan musiqi mədəniyyəti tarixinin qaynaqları” üçcildliyinin (2005), 2 dərsliyin, 200-ə yaxın elmi və elmi-publisistik məqalənin müəllifidir.

Azərbaycan Bəstəkarlar İttifaqının üzvüdür, televiziya və radioda çoxsaylı verilişlərin aparıcısı, iştirakçısı olmuşdur.

Mükaftları[redaktə]

  • 1994 – Üzeyr Hacıbəyovun 110 illiyinə həsr olunmuş musiqişünasların I Respublika müsabiqəsinin laureatı;
  • 2003 – “Humay” milli mükafatı.

İstifadə edilmiş əsas mənbələr[redaktə]