Nadir Əhmədov

Şəki Ensiklopediyası saytından
Jump to navigation Jump to search
Nadir Əhmədov
Nadir Alı oğlu Əhmədov
Nadir Əhmədov
bayraqRabitə naziribayraq
1997 — 2004
bayraqRabitə nazirinin müavinibayraq
1985 — 1997
bayraqBakı telefon şəbəkəsin rəisibayraq
1973 — 1985
 
Doğum tarixi: 1940(1940-Şablondakı doğum və ya ölüm tarixində texniki yanlışlıq var!-00)
Doğum yeri: Aşağı Layısqı, Nuxa rayonu
Milliyyəti: azərbaycanlı
 
Təhsili: Odessa Rabitə Elektrotexnika İnstitutu
 
Saytı: nadir-ahmedov.com
 
Mükafatları:

"Şərəf Nişanı" ordeni

Nadir Alı oğlu Əhmədov – Azərbaycan Respublikasının sabiq rabitə naziri (1997-2004).

Həyat və fəaliyyəti[redaktə]

1940-cı ildə Nuxa rayonunun Aşağı Laysqı kəndində anadan olub. 1960-cı ildə Bakı Rabitə Texnikumunu, 1965-ci ildə isə Odessa Rabitə Elektrotexnika İnstitutunun Elektrik rabitəsi fakültəsini bitirib. 1968–70-ci illərdə sovet ordusunda xidmət edib. 1960-85-ci illərdə Bakı Telefon şəbəkəsində texnik, mühəndis, sex rəisi, stansiya xidməti rəisi, baş mühəndis, daha sonra rəis işləyib. 1985-ci ildən 1997-ci ilədək rabitə nazirinin müavini, 1997-ci ildən 2004-cü ilədək isə rabitə naziri olub.

Dövlət və ictimai işlərdə xidmətlərinə görə «Şərəf nişanı» ordeni ilə təltif olunmuş, SSRİ Rabitə Nazirliyinin «Rabitə ustası» adına, Respublikanın «Əməkdar rabitəçisi» fəxri adına, MDB Dövlətlərinin Assambleyasında qızıl medal və xüsusi diplomuna layiq görülüb; ABŞ Bioqrafiyalar İnstitutunun dünyada apardığı sorğusuna əsasən «2001-ci ilin adamı» seçilmiş, 2002-ci ildə ABŞ-da aparılan digər sorğuya əsasən «Dünyanın qabaqcıl ziyalısı» tituluna layiq görülmüşdür.

Azərbaycan KİV və Sosial Araşdırma Mərkəzləri tərəfindən 2000-ci ildə «İlin ən işgüzar dövlət məmuru», 2001-ci ildə «İlin ciddi siması», 2002-ci ildə «İlin naziri», 2003-cü ildə «İlin dövlət məmuru» və «Veteranların dostu» adına layiq görülüb. Abşeron rayonunun və Mingəçevir şəhərinin fəxri vətəndaşıdır.

50-dən çox səmərələşdirici təklifin, bir ixtiranın, beş texniki kitabın, çoxsaylı məqalələrin müəllifidir.

1979-87-ci illərdə Bakı şəhər Xalq Deputatları Sovetinə deputat seçilib.

Qarabağ müharibəsi veteranıdır.

Evlidir, 3 övladı və 3 nəvəsi var.

Istifadə edilmiş əsas mənbələr[redaktə]