Diqqət!
1 aprel 2010-ci il tarixdən Şəki Ensiklopediyası sheki.wiki domenində fəaliyyət göstərir; Bu link vasitəsi ilə Şəki Ensiklopediyasının əsas saydına keçə bilərsiniz.

Şablon:Yeni məqalələrdən 6 nümunə

Şəki Ensiklopediyası saytından
Jump to navigation Jump to search

Bu şablon altı yeni yaxşı məqalənin generasiyası üçündür; Şəki Ensiklopediyasının Ana səhifəsində altı və səhifələrində yeni yaxşı məqalələnin xülasəsinin avtomatik yerləşdirilməsi üçün istifadə edilir.

Xülasələr aşağıdakı kimi görünəcəkdir ↓

Səhifə xətalarının olmaması üçün bu şablon üzərində təcrübələri öz şəxsi səhifənizdə aparmağınız məsləhət görülür.


Yeganə Axundova.

Yeganə Əsgər qızı Axundova — Azərbaycan pianoçusu, kompozitor və pedaqoq, Bakı Musiqi Akademiyasının xarici əlaqələr üzrə prorektoru (2005-ci ildən) və professoru (2009-cu ildən), Azərbaycan Respublikasının xalq artisti (2012). 1960-cı ildə Nuxa şəhərində anadan olub. 1983-cü ildə Üzeyir Hacıbəyov adına Azərbaycan Dövlət Konservatoriyasını bitirib. 1984-cü ildən bu təhsil müəssisəsində işləyir. Həmçinin, 1985-cı ildə Pyotr Çaykovski adına Moskva Dövlət Konservatoriyasında əmək təcrübəsi də əldə edib. Bir çox ölkələrdə (Almaniya, Yunanıstan, İtaliya, Norveç, Türkiyə, Fransa, Avstriya, Polşa, Böyük Britaniya, Rusiya, İspaniya, Macarıstan, Mərakeş, Ruminiya və s.) qastrollarda olub. Bakı Musiqi Akademiyasında 2003-cü ildən dosent, 2005-ci ildən xarici əlaqələr üzrə prorektor, 2009-cu ildən professordur.


Ehtibar Kərimov, 2013

Ehtibar Kərimov − azərbaycanlı həkim, tibb üzrə fəlsəfə doktoru, Səudiyyə Ərəbistanının paytaxtı ər-Riyad şəhərindəki Alxarj xəstəxanasında daxili xəstəliklər şöbəsinin konsultantı. 1987-cı ildə oranı fərqlənmə diplomu ilə bitirmişdir. 1988-ci ildə Nəriman Nərimanov adına Azərbaycan Dövlət Tibb İnstitutuna daxil olmuş, 1994-cü ildə bu ali təhsil ocağının fərqlənmə diplomu ilə bitirmişdir. 1994-cü ildə Şəkidə, 1995 – 1997-ci illərdə Ukraynanın Dnepropetrovsk şəhərində, 2004 – 2009-cu illərdə isə 5 il Səudiyyə Ərəbistanının ər-Riyad şəhərində həkim işləyib. 2010-cu ildə Azərbaycan Dövlət tibb Universitetinin doktoranturasına daxil olub və 2013-cü ildə tibb üzrə fəlsəfə doktoru elmi dərəcəsi alıb.


Yusif Kərimli məktəblilərin şahmat üzrə Azərbaycan çempionatinda, dekabr, 2018

Yusif Kərimli (d.  12 iyun 2011, Şəki, Azərbaycan) — yeniyetmə Azərbaycan şahmatçısı, 2019-cu il şahmat üzrə yeniyetmələrin şəxsi Avropa birinciliyinin – U08 yaş kateqoriyası, oğlanlar arasında, – bürünc medalçısı, məktəblilərin Avropa çempionatının – U09 yaş kateqoriyası, oğlanlar arasında, – qalibi. Azərbaycan Respublikasının Prezidenti İlham Əliyev 13 yanvar 2020-ci il tarixdə keçirdiyi 2019-cu ilin yekunlarına həsr olunmuş müşavirədə Azərbaycan idmançılarının əvvəlki ildəki müvəffəqiyyətlərinə toxunarkən Yusif Kərimlinin də adını çəkmişdir:

" 2019-cu ildə Avropa çempionatında səkkiz yaşlı şahmatçılar arasında Dinarə Hüseynova qızıl medal qazanaraq Avropa çempionu olmuşdur, Səadət Bəşirli və Yusif Kərimli bürünc medal qazanmışlar. "


Ramil Babazadə

Ramil Babazadə – Cənubi Koreyanın KAİST Universitetində kimya ixtisası üzrə təhsil alan azərbaycanlı tələbə. Orta məktəb şagirdi olarkən — 2016 – 2018-ci illərdə, beynəlxalq fənn olimpiyadalarında 2 qızıl, 1 gümüş, 3 bürünc medal qazanmış, həmçinin, 2017-2018-ci illərdə Respublika Fənn Olimpiadasının qalibi olmuşdu. 2001-ci ildə Şəkidə anadan olub. Üç yaşı olarkən ailəsi Bakıya köçüb. Beynəlxalq fənn olimiyadalarında sonrakı uğurları ona təhsilini dünyanın istənilən aparıcı təhsil müəssisələrindən birində və təqaüdlə davam etdirmək imkanı yaradırdı. Ramil Babazadə Cənubi Koreyanın KAİST Universitetini seçmiş, 2018-ci ildən həmin universitetdə təhsil almağa başlamışdır.


Rena Çiftçi

Rena Çiftçi (az.: Rəna Şakir qızı Mustafayeva‎) — azərbaycanlı Türkiyə alimi, Egey Universiteti (İzmir, Türkiyə), Dəqiq elmlər fakültəsi, Fizika bölməsi, Nüvə fizikası kafedrasının müdiri, fizika elmləri doktoru, dosent. 1975-ci ildə Şəki şəhərində anadan olub. Orta təhsilini 1982-1992-cı illərdə Şəki şəhərindəki 2 saylı məktəbdə, bakalavr təhsilini isə 1993-1997-ci illərdə Ankara Universitetinin Dəqiq elmlər fakültəsində (fizika bölməsi) alıb. Ankara Universiteti Dəqiq Elmlər İnstitutunun fizika kafedrasında 1997-2000-ci illərdə magistraturanı, 2001-2006-cı illərdə isə doktoranturanı oxuyub. Türkiyənin və dünyanın sayılan nüvə fiziklərindən hesab olunur. Azərbaycan və türk dilləri ilə yanaşı rus və ingilis dillərini də mükəmməl bilir.


Zivər_İsrafilzadə

Zivər İsrafilzadə — (İsrafilzadə Zivər Vidadi qızı; d. 24 avqust 1997, Şəki, Azərbaycan) — Kiyev şəhər administrasiyasında daxili audit şöbəsini mudiri. 1997-ci ildə Şəkidə anadan olub. 2004-cü ildə Kiyev şəhərindəki 46 №-li məktəbin 1-ci sinfinə gedib. 2015-ci ildə Kiyev Ali Polis Akademiyasının hüquq fakültəsinə qəbul olunub. 2019-cu ildə bakalavr dərəcəsinə yiyələnib və təhsilini Akademiyanin hüquq fakültəsinin magistraturasında qiyabi yolla davam etdirməyə başlayıb. 2019-cu ilin iyul ayında – 21 yaşında, Kiyev şəhərinin mərkəzi rayonu olan Peçersk rayon administrasiyasinda Hüquq mühafizə orqanlarına nəzarət və korrupsiyaya qarşı mübarizə şöbəsində müdir müavini, iki ay sonra isə şəhər administrasiyanin daxili audit şöbəsini müdiri vəzifəsinə təyin edilib.