Aslan Rüstəmov

Aslan Rüstəmov
Rüstəmov Aslan Mahmud oğlu
Aslan Rüstəmov
Doğum tarixi	23 sentyabr 1932 (1932-09-23)
Doğum yeri	Azərbaycan SSR, Bakı

Aslan Rüstəmov — görkəmli Azərbaycan heykəltəraşı, Bakı şəhərindəki məşhur “Bəhram Gur əjdahanı öldürür” fontan-kompozisiyasının və “Ana harayı” abidəsinin müəlliflərindən biri. Xalq rəssamı Cahangir Rüstəmovun qardaşı, tanınmış heykəltəraşlar Mahmud və Teymur Rüstəmovların isə atasıdır.

Həyatı

1932-ci ildə Bakıda anadan olub. Valideynləri cəmi bir neçə il əvvəl Nuxadan Bakıya köçüb gəlmişdilər.

Orta məktəbi bitirdikdən sonra əvvəlcə Əzim Əzimzadə adına Rəssamlıq məktəbində, sonra isə Stroqonov adına Moskva Dövlət Rəssamlıq İnstitutunda təhsil alıb.

1962-ci ildən Azərbaycan Rəssamlar İttifaqının üzvüdür. 2019-cu ilədək iki fərdi yaradıcılıq sərgisi keçirilib.

Heykəltəraşlıq işləri

“Bəhram Gur əjdahanı öldürür” fontan-kompozisiyasının həmmüəllifi

Bəhram Gurun heykəli (Bakı)

“Bəhram Gur əjdahanı öldürür” fontan-kompozisiyasının həmmüəllifləri − Aslan Rüstəmov və Albert Mustafayev (Şəki, 2014)

Aslan Rüstəmov hələ 1960-cı ildə – Vasili Surikov adına Moskva Rəssamlıq İnstitunda təhsil alarkən, həmin vaxt Leninqrad Boyakarlıq, Heykəltəraşlıq və Memarlıq İnstitutunda oxuyan Aslan Rüstəmov və Tbilisi Rəssamlıq Akademiyasını yenicə bitirmiş Qorxmaz Sücəddinovla birlikdə “Bəhram Gur əjdahanı öldürür” fontan-kompozisiyasının hazılayıb Bakının fontan-heykəllərinin hazırlanması üzrə müsabiqəyə təqdim etmişdilər. Bakı Şəhər Xalq Deputatları Soveti İcraiyyə Komitəsinin sədri Əliş Ləmbəranski gənc heykəltəraşların hazırladıqları eskizi çox bəyənmiş, onu bürüncdən tökdürərək Bakının ən görməli yerlərindən birində ucaltdırmışdır.

Digər heykəltəraşlıq işləri

• Şamaxıda Seyid Əzim Şirvaninin mərmərdən yonulmuş heykəli;
• Rusiyanın Ulyanovsk şəhərində Nəriman Nərimanovun qırmızı mərmərdən heykəli;

Oğlu Mahmud və Teymur Rüstəmovlar ilə birlikdə

• Bakıda – Ukrayna dairəsində, Heydər Əliyevin heykəli;
• Xocalı faciəsini təcəssüm etdirən “Ana harayı” abidəsi;
• Vasif Adıgözəlovun heykəli və s.

• 

  Seyid Əzim Şirvaninin qəbirüstü_abidəsi_(Şamaxı).

• 

  1977-cı ildə Ulyanovsk (Rusiya) şəhərində ucaldılmış Nəriman Nərimanovun heykəli – 2017-ci il.

• 

  Xocalı faciəsini təcəssüm etdirən “Ana harayı” abidəsi.

İstifadə edilmiş əsas mənbə

• Блог Бахрама Багирзаде: Гармония арт-искусства семьи Рустамовых