Əsas menyunu aç

Aytən Rustəmova

Aytən Rustəmova ( d.  15 oktyabr 1976, Bakı, Azərbaycan SSR, SSRİ) — azərbaycanlı bank işçisi, Avropa Yenidənqurma və İnkişaf Bankının Tacikistan bürosunun rəhbəri; azərbaycanlı-qadın bloger, “Aytən Qiyas-Rustəmova” adı ilə fəaliyyət göstərir, daha çox mədəniyyət sahəsi üzrə ingilis və rus dillərində internetə yerləşdirdiyi bloq yazıları ilə tanınır; həmçinin, Braziliya yazıçısı Paulo Koelyonun məşhur “Əlkimyagər” romanının ingilis dilindən azərbaycan dilinə ilk tərcüməçisidir.

Aytən Rustəmova
Aytən Rustəmova
Doğum tarixi 15 oktyabr 1976 (1976-10-15) (43 yaş)
Doğum yeri Flag of the Soviet Union.svg SSRİ
Flag of the Azerbaijan Soviet Socialist Republic (1956–1991).svg Azərbaycan SSR, Bakı
Həyat yoldaşı Teymur Rustəmov
Atası Nadir Şakir oğlu Qiyasov, geofizik
Anası Güllər Məmmədiyyə qızı Qiyasova

Mündəricat

Haqqında məlumatlarRedaktə

1976-cı ildə Bakıda – Şəkidən Bakıya köçmüş şəxslərin ailəsində, anadan olub.

Təhsili və karyerasıRedaktə

 
Avropa Yenidənqurma və İnkişaf Bankının nümayəndələri Düşənbədə. Aytən Rustəmova – soldan üçüncü, birinci vitse-prezident Fil Bennet sağdan üçüncü və digər şəxslər.

1983-cü ildə Bakıda azərbaycanca orta təhsil almağa başlasa da, ailəsinin Polşaya köçməsi ilə bağlı olaraq, orta təhsilini 1986-1990-cı illərdə orada – əvvəlcə Qdanks, sonra isə Varşava şəhərlərində, rus dilində davam etdirib; atası Nadir Şakir oğlu Qiyasov həmin illərdə Polşada işləyirdi. 1990-cı ildən sonra Azərbaycana geri dönüblər, Aytən də orta təhsilini Bakıda tamamlayıb.

1993 – 1997-ci illərdə Xarici Dillər Universitetində bakalavr, 1997-1999-cu illərdə magistr təhsili alıb.

2001-ci ildə Avropa Yenidənqurma və İnkişaf Bankının Bakı bürosuna işə götürülüb. Burada işləyə-işləyə, 2003 – 2007-ci illərdə Xəzər Universitetində biznesin idarəolunması ixtisası üzrə də ali təhsil alıb. 2017-ci ilin aprel ayından isə Avropa Yenidənqurma və İnkişaf Bankının Tacikistan bürosuna rəhbər göndərilib.

Bloger və tərcüməçi fəaliyyətiRedaktə

2005-ci ildə – “Əlkimyagər” romanını ingilis dilindən azərbaycan dilinə tərcümə etməklə yanaşı, “Sheki, Azerbaijan” və digər saytlar açaraq internetdə ingilis, rus və azərbaycan dillərində Azərbaycanın, xüsusilə, Şəkinin mədəni həyatını tərənnüm edən çoxlu sayda bloq yazıları, videolar yerləşdirməyə başlayıb.

AiləsiRedaktə

Tanınmış azərbaycanlı heykəltəraş Teymur Rustəmovla ailə həyatı qurub, üç oğlu var.

İstifadə edilmiş mənbələrRedaktə