Bu məqalə yaxşı məqalələr sırasına daxildir

Faiq Çələbiyev

Şəki Ensiklopediyası saytından
Jump to navigation Jump to search
Faiq Çələbiyev
Faiq İbrahim oğlu Çələbiyev
Faiq Çələbiyev
Doğum tarixi 16 aprel 1948 (1948-04-16) (71 yaş)
Doğum yeri Nuxa
Vətəndaşlıq Flag of the Soviet Union.svg SSRİ→Flag of Russia.svg Rusiya
Elm sahəsi musiqişünas
İş yeri Aleksandr Hersen adına Rusiya Dövlət Pedaqoji Universiteti
Elmi dərəcəsi sənətşünaslıq elmləri doktoru
Təhsili
  • Üzeyr Hacıbəyov adına Azərbaycan Dövlət Konservatoriyası (1980 – 1985);
    * Rusiya İncəsənət Tarixi İnstitutu, aspirant (1985 – 1987).

Faiq Çələbiyev (rus.: Фаик Челебиев) – Rusiyanın azərbaycanlı musiqişünas alimi, tarzən. Sənətşünaslıq elmləri doktoru, dosent. Aleksandr Hersen adına Rusiya Dövlət Pedaqoji Universiteti Şimal xalqları institutu fakültəsinin Paleoasiya dilləri, folkloru və ədəbiyyatı kafedrasının professoru. Sankt-Peterburq azərbaycanlı icmasının görkəmli nümayəndəsi.

Həyat və fəaliyyəti[redaktə]

1948-ci ildə Azərbaycanın Nuxa şəhərində anadan olub. Uşaqlığı Bakıda keçib. 1980-cı ildə Asəf Zeynallı adına Musiqi məktəbini, 1985-ci ildə isə Üzeyir Hacıbəyov adına Azərbaycan Dövlət Konservatoriyasını bitirib. 1985 – 1987 ci illərdə Leninqradda (Sankt-Peterburqda) – Rusiya İncəsənət tarixi İnstitutunda, aspirant təhsili alıb. Bundan sonra Leninqradda qalıb və Rusiya İncəsənət tarixi İnstitutunnda elmi fəaliyyətini davam etdirib. Həmçinin, Rusiya Dövlət Pedaqoji Universiteti Etnokulturologiya kafedrasında dərs deyib. Azərbaycan muğam sənəti onun elmi maraq dairəsidir.

Faiq Çələbiyev 1999-cu ildə «Azərbaycan silsilələri: musiqi formalarının problemləri» (rus.: «Азербайджанские ренги: проблемы музыкальной формы») mövzusunda namizədlik dissertasiyasını, 2009-cu ildə isə «Dəsgah morfologiyası» (rus.: «Морфология даскяха») mövzusunda doktorluq dissertasıyasını müvəffəqiyyətlə müdafiə edib. O, sənətşünaslıq mövzusunda Peterburqda, Moskvada, Bakıda və dünyanın başqa şəhərlərində çap olunmuş çoxlu sayda məqalənin müəllifidir.

Faiq Çələbiyev elmi və pedaqoji fəaliyyətlə yanaşı Rusiyada və Rusiya xaricində solist kimi konsert fəaliyyətini də davam etdirirməkdədir, vaxtaşırı olaraq, Avropanın akademik, eləcə də İran, Hindistan və Azərbaycan musiqiçilərinin müxtəlif ənənəvi layihələrində iştirak edir.

İstifadə edilmiş əsas mənbələr[redaktə]